Фарғонада эркак рашк туфайли хотини билан қўл бериб кўришмоқчи бўлган қўшнисига оғир тан жароҳат етказди. Бу ҳақда ИИВ Тергов департаменти хабар қилди.
Маълум бўлишича, ҳодиса шу йил 29 июнь куни кеч соат 20:00 лар атрофида Бешариқ туманида содир бўлган. 41 ёшли эркак қўшниси, 42 ёшли фуқаро унинг хотини билан қўл бериб саломашмоқчи бўлгани ва хотини билан илиқ муносабатда бўлганидан хабар топиб, унинг уйига чиқиб, жанжаллашган. Оқибатда рашкчи эр қўшнисининг елкасига уриб, уни зинадан итариб юборган. 42 ёшли эркак крга йиқилиб, оғир тан жароҳати олган.
Ҳозирда ҳолат бўйича ЖКнинг 104-моддаси 1-қисми (қасддан баданга оғир шикаст етказиш) билан жиноят иши қўзғатилган. Тергов ҳаракатлари олиб борилмоқда.
