Яна бир ички ишлар ходими коронавирусдан вафот этди. Бу ҳақда Дарё нашри хабар қилди.
Маълум бўлишича, Тошкент шаҳар Сергели тумани бўйича ИИО ФМБ Ахборот технологиялари, алоқа ва ахборотни ҳимоялаш гуруҳи катта мутахассис-мухандиси подполковник Тошев Абдулазиз Абдувахобович шу йил 12 июлда 42 ёшида вафот этган. Манбанинг ИИВ ахборот хизмати раҳбари маълумотига таяниб хабар қилишича Тошевда коронавирус аниқланган.
Қўшимча қилинишича, Абдулазиз Тошев бошқа касалликдан даволаниш мақсадида касалхонага ётқизилган, у даволаниш давомида коронавирусга ҳам тест топширган ва тест мусбат натижа берган.
Аввалроқ ИИВ подполковниги ва Тошкент шаҳар ИИББ майори коронавирусдан вафот этгани хабар қилинган эди.
