Маълум бўлишича, шу йил 7 июль куни соат 03:00 ларда 4 нафар шахс юзларига аёллар пайпоғини ниқоб қилиб, турли буюмлар билан қуролланиб, Тўрақўрғондаги хонадонларнинг бирига уйнинг деворини бузиш орқали кириб босқинчилик содир этган. Улар оиланинг барча аъзоларига ҳужум қилиб, ип билан боғлаб пул беришни талаб қилган. Шу йўл билан босқинчилар уйдаги 11.400 АҚШ доллари, 100.000.000 сўм нақд пулларни ҳамда 61.390.000 сўмлик турли кўринишдаги тилла буюмларни олиб, воқеа жойидан яширинган.
Шундан сўнг воқеа жойига ҳуқуқ тартибот органлари ходимлари келиб вазиятни ўрганган ва ЖКнинг 164-моддаси 4-қисми “а” банди билан жиноят иши қўзғатилган. Текширувлар натижасида хонадон эгаси ва унинг турмуш ўртоғи турли жароҳатлар олгани маълум бўлди.
Тезкор тадбирлар давомида жиноятни содир этганлар ушланган. Жиноят 53 ёшли Ғ.Қ., 44 ёшли У.Ю., 29 ёшли Ж.Т. ва 35 ёшли Ш.Т.лар томонидан содир этилгани маълум бўлди. Энди улар 15 йилдан 20 йилгача қамалишлари мумкинлиги айтилмоқда.
