Сирдарёда 1,5 млрд сўм бюджет маблағлари талон-тарож қилинди. Бу ҳақда Бош прокуратура хабар қилди.
Маълум бўлишича, «Қишлоқ қурилиш инвест» МЧЖ ИК Сирдарё вилояти филиали ва МЧЖлардан бирининг мансабдорлари тил бириктириб, Оқолтин туманидаги «Кўркам диёр» мавзесида битта кўп қаватли уйнинг қурилишида ҳақиқатга мос келмайдиган 949 миллион сўмлик ишлар бажарилгани ҳақида қўшиб ёзиш ҳолати кузатилган. Шунингдек, ўша мавзеда яна бир уйнинг қурилишидаги ҳужжатга 586 миллион сўмлик ишлар қўшиб ёзиб юборилгани аниқланган.
Бош прокуратуранинг хабар қилишича, ушбу ҳолат юзасидан «Қишлоқ қурилиш инвест» МЧЖ ИК Сирдарё вилояти филиали мансабдор шахслари ва бошқа жамият раҳбарларига нисбатан ЖКнинг 167-моддаси 3-қисми «а» банди (Ўзлаштириш ёки растрата йўли билан талон-торож қилиш) билан жиноят иши қўзғатилган. Ҳозирда тергов ҳаракатлари олиб борилмоқда.
