Бухоролик 14 ёшли қиз бедарак йўқолди. Бу ҳақда ҳуқуқ тартибот органлари хабар қилди.
Маълум бўлишича, Абдураҳмонова Мадинабону Жаҳонгир қизи шу йил 9 июлда тонг соат 06:00 да уйидан чиқиб кетиб, қайтиб келмаган. Қиз “Дилобод-Зафаробод” МФЙда истиқомат қилади.
Қизнинг бўйи 160 см, кўзлари қора, сочлари тўқ жигар ранг. Шунингдек, ўша куни қизнинг эгнида ҳаво ранг кўйлак, қора шим бўлган. Ёнида қора аёллар сумкаси борлиги ҳам айтилмоқда.
Бу бўйича бирон маълумотга эга бўлсангиз қуйидаги рақамларга қўнғироқ қилишингиз мумкин: +99865-220-40-99; +99865-220-40-30; +99865-224-52-49 (Бухоро вилояти ИИБ), 71-232-30-40, 71-232-40-50 (Тошкент шаҳар ИИББ) ёки 102.
