Андижон вилоятида эрини ўлдириш учун “киллер” ёллаган аёлга ҳукм ўқилди. Бу ҳақда Дарё нашри хабар қилди.
Маълум бўлишича, 36 ёшли аёл турмуш ўртоғини ўлдириш учун танишини ёллаган. Аёл ва унинг эри ўртасида рашк сабаб турли хил жанжаллар бўлиб турган. Аёл эрини бошқа аёллардан рашк қилган.
Эрининг ўлими учун аёл 30 минг доллар тўлашга тайёр бўлган. Аёл “киллер”га гонорар сифатида 6400 долларлик тақинчоқлар берган. Яхшиямки “киллер”сифатида ёлланган эркак кейинчалик аёлнинг режаси ҳақида ҳуқуқ тартибот органларига айтиб берган.
Суд қарорига кўра аёл ЖКнинг 25 моддаси ва 97 модданинг 1 қисмига кўра айбдор деб топилиб, 7 йилга озодликдан маҳрум қилинган. Лекин, аёлга нисбатан ЖКнинг 72 моддаси қўлланилиб, тайинланган жазо шартлига алмаштирилиб, икки йил синов муддати белгиланган.
