Андижонда севгилисдан рад жавобини олган йигит икки ойлик чақалоқни қасддан ўлдирди. Бу ҳақда Замон ИД хабар қилди.
Маълум бўлишича, ҳодиса шу йил 27 май куни содир бўлган. Мавжуд маълумотларга кўра, андижонлик М. Маҳаммаджонов 2019 йилда инстаграм орқали Пирматова билан танишиб қолган ва у билан кўришиб уни ёқтириб қолган. Узоқ вақтлик мулоқотдан сўнг йигит қизга оила қуриш таклифини билдирган. Лекин қиз ушбу таклифни шу йил 26 май куни рад этган. Бундан ғазабланган йигит 27 май куни қизнинг уйига бостириб борган. Уйда ўша пайт қизнинг келионойиси Каримова бўлган. Йигит унга пичоқ билан ташланган ва Пирматовани уйга чақириб беришни сўраган. Бу орада уйда 5 март куни туғилган чақалоқ йиғлайверган ва бундан ғазабланган ва йиғини тўхтата олмаган йигит уни ёстиқ билан димиқтириб ўлдирган. Бу орада уйга етиб келган Пирматова эса ошиқ йигитдан бир мушт ва унинг қўлидаги пичоқдан қорнига ҳамда кўкрак соҳасига зарб қабул қилади. Йигитни эшик тақиллаши тўхтатиб қолган. Қўшни Ибрагимов йигитга эшик ортидан ИИБ ходимини чақиришини айтгач йигит қочиб кетган.
Ҳолат юзасидан бўлиб ўтган судда йигит ЖКнинг қатор моддалари билан айбли деб топилган ва 20 йилга озодликдан маҳрум қилинган.
