Ижтимоий тармоқларда Сирдаёнинг Янгиер шаҳрида содир бўлган ЙТҲ видеоси тарқалди. Унда “Нексия” “Жигули”га келиб урилганини кўриш мумкин.
Ҳодиса “Жигули” ҳайдовчисининг айби билан содир бўлган. Воқеа кеча, 12 январь куни соат 14:30ларда рўй берган. Видеода “Нексия” ҳайдовчиси “Жигули”га урилгач, машина салонидан учиб чиқиб кетганини кўриш мумкин. Маълум бўлишича, 22 ёшли ҳайдовчига ҳамда унинг йўловчиси ва “Жигули”нинг 32 ёшли ҳайдовчисига тез тиббий ёрдам кўрсатилган.
Ҳозирда ҳолат бўйича суриштирув ишлари олиб борилмоқда.