Ижтимоий тармоқларда Самарқанд вилоятида содир бўлган видеолавҳа тарқалди. Видео телеграм каналларда эълон қилинди.
Видеода Булунғур туманидаги 13-сонли МТМ раҳбарилиги айтилаётган аёл тарбияланувчилардан бирини ураётганини кўриш мумкин. Аёл ёш болага қилган ишини акасига айтиб бериш билан қўрқитиб, юзини тўсиб турган боланинг қўлини олишини сўраб, уни ураётганини кўриш мумкин.
Вилоят прокуратураси томонидан бу бўйича терговга қадар текширув ҳаракатлари олиб борилаётгани маълум қилинди. Прокуратура ахборотида МТМда бошқа қонунбузилиш ҳолатлари ҳам содир бўлган бўлиши мумкинлиги таъкидланган.
