Маълумот ўрнида, 2017 йилда ҳуқуқ тартибот органлари ходимлари 4,3 млрд сўмнинг олиб чиқиб кетилишини тўхтатиб қолди. Кейинги йил ушбу кўрсаткич яна ошди. Масалан, 2018 йилнинг ўзида 26,2 млрд сўмни олиб чиқиб кетишга уриниш бўлган бўлса, 2019 йилда бу кўрсаткич 27 млрд сўмни ташкил қилган. Ўтган йили эса январь-сентябрь ойларида 5,6 млрд сўм пулни олиб чиқиб кетишга уриниш бўлган.
“Валютани мамлакатдан олиб чиқиб кетишнинг асосий йўлларидан бири чегара орқалидир. Ушбу соҳада олиб борилган таҳлил натижасига кўра, Ўзбекистондан хорижий валюталарни олиб чиқиб кетиш ҳолати валюта сиёсати либераллаштирилгандан сўнг кўпайган. Хусусан, божхона келтирган маълумотга кўра, 2019 йилда 220та ҳолатдан кўпроқ вазиятда турли валютадаги пулларни Ўзбекистондан ноқонуний олиб чиқиб кетиш ҳолатлари кузатилган”, – дейди мутахассис.
Гафуровнинг фикрича, Ўзбекистон ва Қирғизистон чегарасидаги назоратнинг кучсизлиги бунга сабаб бўлмоқда.