Самарқанд вилояти Самарқанд туманида ҳали қуриб битказилмаган уйда 20 та газ баллони портлади. Бу ҳақда ФВВ хабар қилди.
Маълум бўлишича, ҳодиса кеча, 18 январь куни соат 20:08ларда содир бўлган. Раджабамин маҳалласида жойлашган ушбу уйда газ баллони портлаб, ёнғин содир бўлган. Шундан сўнг воқеа жойига ўт ўчирувчилар етиб бориб, 2 соату 15 дақиқада уни ўчиришган. Ёнғиндан уйнинг 50 квадрат/метр майдони ва Дамас машинаси зарар кўрган.
Унинг натижасида ҳеч ким жабрланмаган. Ҳодиса сабаблари ўрганилмоқда.
