Хоразмда туғилмаган чақалоқни сотмоқчи бўлганлар қўлга олинди. Бу ҳақда Постда нашри хабар қилди.
Маълум бўлишича, Урганчда яшовчи аёл П.К. ўзининг ҳали туғилмаган 4 ойлик ҳомиласини сотишни режалаштирган. Бу режани у никоҳсиз бирга яшаб юрган эркак билан тузган. Уларга хазорасплик Т. Б. харидор бўлиб топилган ва туғилажак фарзандни 9 минг долларга баҳолаган.
Аёл ва эркак айтилган пулнинг 6 минг долларини олаётганда қўлга олинди. Ҳозирда ҳолат юзасидан жиноий иш қўзғатилган.
