Тошкент шаҳри Мирзо-Улуғбек туманида Нексия автомобилидаги газ баллон портлади. Бу ҳақда ҳуқуқ тартибот органлари хабар қилди.
Маълум бўлишича, ҳодиса кеча, 25 январь куни соат 16:50ларда, “Бўз 2” даҳаси 6а-уй қаршисида содир бўлган. Автомобилда газ баллони портлаши натижасида унинг атрофидаги “Нексия-3”, "Спарк" ва иккита "Матиз"га ҳам зарар етган.
Ҳодиса жойидан тарқалган суратлардан газ баллони портлаган Нексия йўқ бўлиб кетганини кўриш мумкин. Ҳозирда ҳодиса сабаблари ўрганилмоқда.