Тошкентда 5 нафар талабанинг жасади топилди. Бу ҳақда Бош прокуратура хабар қилди.
Маълум бўлишича, кеча, 27 февраль куни 20:50ларда Юнусобод туманидаги хонадонларнинг бирида "квартирант" сифатида яшаб келаётган 5 нафар талабанинг жасади топилган. Уларнинг 3 нафари М.У., Р.С., Д.Ғ.лар Тошкент Ахборот технологиялари университетининг 2-курсида, О.И. Сингапур университетининг 2-курсида ва С.Х. эса “Инха” университетининг 1-курсида таҳсил олаётган бўлган.
Дастлабки маълумотларга кўра улар номаълум моддадан ўткир заҳарланиш натижасида вафот этгани айтилмоқда. Ҳолат юзасидан ЖКнинг 259-моддаси 2-қисми “а” банди (Ёнғин хавфсизлиги қоидаларини бузиш) билан жиноят иши қўзғатилган.
