Аввалроқ Қарши шаҳрида спортчи ўлдириб кетилгани ҳақида хабар қилган эдик. Бош прокуратура мазкур ҳолат юзасидан жиноий иш қўзғатилгани ҳақида маълумот берган эди.
Вилоят ИИББнинг маълум қилишича, ҳодиса кеча, 17 август куни соат 10:00ларда содир бўлган. 7 нафар йигитлар совуқ қуроллар билан спортчини кўп қаватли уйдан чиқишини кутиб турган. Улар спортчи чиқиши билан бош, юз, кўкрак ва танасининг бошқа соҳаларига уриб, оғир тан жароҳати етказиб, “Жентра” автомашинасига мажбуран миндириб, жиноий қилмишларини яшириш учун Чироқчи туманидаги шифохонага олиб бориб ташлаб кетган. Фуқаро ўша ерда вафот этган.
Тезкор тадбир давомида ушбу ишда гумонланган Ш.Т., Ж.А., О.Р., Я.Я., Ш.З. ва Э.А ушланган. Уларнинг ҳаммаси Қарши шаҳри ва Қарши туманида яшаши маълум бўлди.
Ҳолат юзасидан ЖКнинг 97-моддаси 2-қисми “л,п” бандлари билан жиноят иши қўзғатилган.
