Наманган вилоятида ичида 10 киши бўлган Дамас ЙТҲга учради. Бу ҳақда EVERYDAY.UZ мухбири хабар қилди.
Маълум бўлишича, шу йил 27 октябрь куни соат 16:30 ларда Тўрақўрғон туманида 33 ёшли фуқаро Кобальтни бошқариб кетаётиб, қарама қарши йўналишга чиқиб кетган ва Дамасга урилган. Дамасда 10 киши бўлган. Машина ичидаги 34 ёшли аёл ва унинг ўғли олган тан жароҳатлари оқибатида воқеа жойида ҳалок бўлган. Қолган фуқаролар шифохонага ётқизилган.
Шунингдек, вилоятда 25 октябрда ҳам Дамас иштирокида ЙТҲ содир бўлган. Дамас 71 ёшли фуқарони уриб кетган. Фуқаро олган тан жароҳатлари натижасида шифохонада вафот этган. Ҳар икки ҳолат юзасидан жиноий иш қўзғатилган.
