Хабарингиз бор президентимиз Шавкат Мирзиёев шу кунларда “Бир макон, бир йўл” халқаро форумида иштирок этиш учун амалий ташриф билан Хитойда бўлиб турипти. Шу муносабат билан давлатимиз раҳбари бугун Хитой Халқ Республикаси Раиси Си Цзиньпин билан учрашди.
Учрашув давомида ХХР раиси Шавкат Мирзиёевни “Бир макон, бир йўл” халқаро форуми асосчиларидан бири сифатида эътироф этди.
- Ҳурматли Президент, Сиз биринчи форумда ҳам иштирок этганингизни мамнуният билан эслайман. Шу маънода, Сизни “Бир макон, бир йўл” халқаро форуми асосчиларидан бири сифатида қабул қиламиз, - деди Си Цзиньпин. - Ўзбекистоннинг форумга эътибори ва ундаги иштироки мамлакатларимиз ҳамкорлиги ривожидан далолат беради. Икки томонлама кўплаб келишувларга эришилган ва улар изчил амалга оширилмоқда. Ишончим комилки, Ўзбекистон - Хитой муносабатларининг истиқболи порлоқ.
Эслатиб ўтамиз Президентимиз Хитойга ташрифи давомида қатор давлатлар ва халқаро институтлар, шунингдек, Хитойнинг етакчи компаниялари раҳбарлари билан учрашувлар ўтказади.