Уйи борнинг – бахти бор

8-05-2019, 16:09
Сиёсат
Уйи борнинг – бахти бор
Президентимиз Шавкат Мирзиёев ташаббуси билан амалга оширилаётган кучли ижтимоий ҳимоя сиёсати натижасида мамлакатимизда уйсиз, кам таъминланган, ногирон ва боқувчисини йўқотган оилалар ҳам замонавий уй-жойларга кўчиб ўтиб, бахтли ҳаёт кечирмоқда.

Дарҳақиқат, уй инсон ҳаётининг ажралмас бўлаги. Халқимиз уни Ватанга қиёслаб, ҳар бир инсоннинг ўз ватани, гўшаси бўлсин, дея дуо қилади.

Қарши шаҳридаги Кат маҳалласида 20 нафар ногиронлиги бўлган, кам таъминланган фуқарога 20 мослаштирилган уй-жойнинг калити топширилгани ҳам мазкур дуонинг амалдаги ифодаси бўлди, десак муболаға бўлмайди.

Қарши шаҳри “Нахшаб” маҳалла фуқаролар йиғини ҳудудида яшовчи Дилнавоз Эркаева ёлғиз она. Саратон касаллигига чалингани боис, 2-гуруҳ ногирони. Шу кунга қадар у бир нафар фарзанди билан онасиникида 4 нафар вояга етган укаси билан жами 7 киши бир хонали уйда яшаб келарди. Бугун унинг учун энг қувончли кун. Энди унинг ўз уйи бор.
Уйи борнинг – бахти бор

– Хурсандчилигим ичимга сиғмайди, – дейди Дилнавоз кўзларига ёш олиб. – Ҳатто ўзимни соғлом инсонлардек ҳис қила бошладим. Кейинги пайтлар жуда тушкунликка тушиб қолган эдим. Бу уйнинг менга берилиши ҳаётимни буткул ўзгартириб юборгандек гўё. Ўғлим Александр ҳам ҳурсанд. Энди у ҳам тенгдошлари олдида уялмайди. Бошини тик тутиб юради. Бунинг устига бизга берилган уйда ҳамма шароит муҳайё экан. Худди туш кўраётгандекман, ҳозир.

Маълумот ўрнида айтиш жоизки, 2017-2018 йилларда вилоятда 428 нафар ногиронлиги бўлган кам таъминланган фуқарони имтиёзли уй-жой билан таъминлаш, яшаб турган уйларини таъмирлаб бериш, кадастр ҳужжатларини расмийлаштириш режа дастури ишлаб чиқилган. Унга кўра, 2017-2018 йиллар давомида 122 нафар фуқаронинг уй-жой олиши учун бошланғич тўлов маблағлари тўлаб берилган. 132 нафар ўта оғир турмуш шароитидаги ногиронларга бепул мослаштирилган уйлар қуриб топширилган. 121 нафарининг яшаш уй-жойлари таъмирланган. 15 нафарига эса ўзлари яшаб турган ер участкаларидан уй-жой қуриб берилган. 38 нафарига маҳаллий ҳокимликлар томонидан арзон уй-жойлар ажратилган.

Бу каби эзгу ишлар жорий йилда ҳам давом эттирилиб, шаҳар ва туман уй-жой комиссиялари томонидан 285 нафар ногиронлиги бўлган, кам таъминланган фуқаролар рўйхати шакллантирилиб, уларнинг арзон уй-жой олиши учун бошланғич бадал тўловларини тўлаб бериш бўйича режа дастур ишлаб чиқилган.

Қарши шаҳар “Қарлиқбоғот” маҳалла фуқаролар йиғини ҳудудида яшовчи Лобар Усмонова ҳам турмуш ўртоғи вафотидан сўнг уч нафар ёш фарзанди билан қийналиб қолди. У қайнотасиникида жами 4 та оила бир хонадонда яшаб келарди. Иккита ўғли эндигина мактабга бора бошлаган. Кенжасига ҳали она тарбияси зарур. Шу боис у ишлаш имконидан маҳрум. Уй-жой масаласидаги оилавий тортишувлар сўнгги пайтларда уни жуда чарчатган эди. Мутасаддилар унга ҳам уй ажратганини эшитиб, бениҳоя қувонди.

– Бугун мен учун энг бахтиёр кун, – дейди Лобар Усмонова. – Айниқса, фарзандларим жуда ҳурсанд. Насиб этса, бу уйда янги ҳаёт бошлайман. Биз каби эҳтиёжманд оилаларнинг ҳолидан хабар олганлардан бағоят миннатдормиз. Илгарилари ҳам бу масала бўйича кўп бора мурожаат қилганман, лекин ҳеч натижа бўлмаган. Мана, ҳақиқат бор экан. Ниҳоят бизнинг аҳволимиз ўрганилиб, уй ажратилди. Бу ҳаётимизни, фикримизни ўзгартирди. Ҳаётга меҳрим ошди. Бизга кўрсатилган бу эътиборни, албатта, оқлаймиз. Энди имконим борича ҳаракат қиламан. Ёнимиздаги тикувчилик цехида ишлаб бахтли ҳаёт кечираман.

Дарҳақиқат, тадбир доирасида янги хонадонларга эга бўлган фуқаролар ишлаб, меҳнат қилишлари учун тикувчилик ва мебель цехи фаолияти ҳам йўлга қўйилди. Эндиликда улар мана шу цехларда ишлаб, оиласи фаровонлигини таъминлайди.

Шунингдек, тадбир давомида ташкилотчилар томонидан уйга эга бўлган оилаларнинг 35 нафар фарзандига ўқув-қуроллари ва бошқа қимматбаҳо совғалар ҳам берилди.

Уй топшириш маросими катта шодиёна, байрамга айланди. Юзида ҳаётдан мамнунлик ҳисси барқ этиб турган янги хонадон эгаларининг қувончи гўё оламни тутади. Таниқли санъаткорлар ижросидаги куй-қўшиқлар тадбирга ўзгача шукуҳ бағишлади.

Тадбирда Қашқадарё вилояти ҳокими З.Рўзиев ҳамда Президент маслаҳатчиси биринчи ўринбосари У.Муҳаммадиевлар сўзга чиқди.
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Ўзбекистондан асосан қозоқлар кўчиб кетаёгани маълум бўлди

Ўзбекистондан энг кўп қозоқ миллатига мансублар кўчиб кетаётгани маълум бўлди. Бу ҳақда "Хабар.уз" хабар қилди. Маълум...
Бугун, 19:01

«001 VIP» авторақамини ясаган фуқаро: «Ўртоқларимга мақтанаман деб шу рақамларни келтирдим» (ВИДЕО)

Тошкентда «001 VIP» давлат авторақамини ясаган фуқаро қўлга олинди. Маълум бўлишича фуқаро Акмал Машарипов ушбу...
Бугун, 18:37

Nukus city қурилиши муносабати билан нечта уй бузилиш маълум бўлди

Нукусда "Nukus city" қурилиши режалаштирилмоқда. Бу ҳақда UPL хабар қилди. Лойиҳа кейинги йилдан бошлаб қурилади....
Бугун, 18:24

ХДП вакили 2,5 млн сўм ҳақида: Ҳурматли раисимиз бошқа нарсани назарда тутганди

Аввалроқ ижтимоий тармоқларда ХДП партияси раҳбарининг 5 кишидан иборат оилага бир ойга 2,5 млн сўм етади деган фикри...
Бугун, 15:55
/ Муҳокамалар +12

Бир хил истеъмол икки хил тўлов: Алишер Қодиров табақалашган коммунал тўлов тизмини таклиф қилмоқда

"Миллий тикланши" партияси раҳбари Алишер Қодиров коммунал тўловларни табақалашган ҳолда тўлаш тартибини жорий қилишни...
Бугун, 12:04
/ Муҳокамалар +2