Бандлик ва меҳнат муносабатлари вазирлиги тамонидан миллий матбуот марказида ўтказилган тадбирда давлат органлари хизматчилари иш вақтидан ортиқча ишлашлари муаммоси кўтарилди. Бу ҳақда ЎзА хабар қилди.
Журналист баъзи вилоят ҳокимлари билан интервью қилиш жараёнида уларни иш кўплигидан хизмат хонасида тунаб қолишларига гувоҳ бўлганликларини айтишди. Бунга жавобан вазир Шерзод Кудбиев қуйидагича жавоб қилди.
«Бутун дунёда давлат хизматини мувофиқлаштирувчи органлар бор. Бандлик хизмати давлат хизматини мувофиқлаштирувчи орган эмас. Бандлик ва меҳнат муносабатлари вазирлиги Адлия вазирлиги билан ҳамкорликда ана шандай давлат хизматини мувофиқлашттрувчи орган тузиш бўйича таклиф киритилган. Айнан шу орган иш вақтига амал қилинишини тартибга солади. Қолаверса, белгилаганган вақтдан ортиқча ишлаган жабрланувчи бизга мурожаат қилмаган. Агар мурожаат қилинса биз, албатта буни кўриб чиқамиз ва белгиланган қонун доирасида чора кўрамиз», деди Ш.Кудбиев.
