Ўзбекистон Тожикистонда коронавирусга чалинганлар учун тақсимловчи объект қурмоқчи. Унинг жиҳозланишига “Ўзбекнефтгаз” масъул

Ўзбекистон Тожикистонда коронавирусга чалинганлар учун тақсимловчи объект қурмоқчи. Унинг жиҳозланишига “Ўзбекнефтгаз” масъул
Ўзбекистон Тожикистонда коронавирус касаллигига чалинганлар учун тақсимловчи объект қуришини режалаштирмоқда. Бу ҳақда Азия-Плюс нашри хабар қилди.

Маълум қилинишича, мазкур объект республиканинг Хатлон вилояти Кубодиён туманида барпо этилади. Манбанинг маълум қилишича, 2018 йилда Шавкат Мирзиёевнинг Тожикистонга ташрифи давомида ушбу келишувга эришилган бўлган. У 2021 йилнинг баҳорида беморларни қабул қила бошлаши режалаштирилмоқда. Мазкур объектда фуқаролар тезкорлик билан коронавирусга тест топширади ва унинг натижасига кўра вилоятдаги шифохоналарга жўнатилади. Бундай объектнинг муқобили ҳозирча Тожикистонда йўқ.

Манбанинг қўшимча қилишича, ушбу объектни жиҳозлаш ишлари билан “Ўзбекнефтгаз” шуғулланади. Таъкидлаш жоиз, икки давлатнинг келишувига асосан 2020 йилда Сўғд вилоятининг Спитамен туманида 630 ўқувчига мўлжалланган янги мактаб қурилиб, фойдаланишга топширилган эди. Ўз навбатида, буларга жавобан Тожикистон Самарқандда 640 ўқувчига мўлжалланган мактаб ва Фарғонада болалар боғчаси қуриб беради.

Эслатиб ўтамиз, аввалроқ Қирғизистоннинг Бишкек ва Чуй вилоятида Ўзбекистон томонидан молиялаштирилиб қурилган шифохоналар очилган эди.

Ўхшаш янгиликлар

Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Юлдуз Усмонова “Муҳаббат” номли қўшиғини куйлаб, интернет юлдузига айланган болаларга совға берди

Аввалроқ Юлдуз Усмонова ижросидаги “Муҳаббат” номли қўшиғини қишлоқ шароитида куйлаганлар видеоси тарқалган эди. Видео телеграм каналларида...
Кеча, 16:28

Амударёдаги томорқа хизматлари фаолияти ўрганилди

Олий Мажлис Қонунчилик палатаси Спикери ўринбосари, Ўзбекистон Фермер, деҳқон хўжаликлари ва томорқа ер эгалари кенгаши раиси Aктам Хаитов...
Кеча, 15:57

Фарғонада прокурор 1000 доллар пора олаётганда ушланди

Фарғона вилояти прокуратураси катта прокурори А.Т. пора билан ушланди. Бу ҳақда EVERYDAY.UZ мухбири хабар қилди. Маълум бўлишича, шу йил 18...
Кеча, 15:18

Самарқандда ўқувчига эски ноутбук совға қилиниши ортидан ҳоким ўринбосари ҳам ишдан кетди

Аввалроқ Самарқанд вилояти Нуробод туманида танловда ғолиб бўлган ўқувчига эски ноутбук совға қилингани ва бунинг ортидан қатор...
Кеча, 12:23
1

Видео: Тошкентда фуқаро йўлнинг қатнов қисмида машинага қарата ўқ узди

Ижтимоий тармоқларда фуқаро машинага қарата ўқ узгани акс этган видео тарқалди. Видео телеграм каналларда эълон қилинди. Таъкидланишича,...
Кеча, 11:55
Ўзбекистон янгиликлари » Сиёсат » Ўзбекистон Тожикистонда коронавирусга чалинганлар учун тақсимловчи объект қурмоқчи. Унинг жиҳозланишига “Ўзбекнефтгаз” масъул