Шавкат Мирзиёев йиғилшда аравасини торта олмаётган раҳбарлар ҳақида гапириб, яқин кунларда кадрлар алмашуви юз беришини маълум қилди. Президент бир ҳафта ичида кадрлар масаласи бўйича қарорга имзо чекишини таъкидлади. Давлат раҳбари ишдан олиниши кутилаётган амалдорлар садоқатли одам эканини, лекин ишни бажара олмаётганини айтиб ўтди.
“Шунча ваъзхонлик етади, уларга қанча имкониятлар бердик, аммо самарали натижа кўрсатишмади. Бошқача ишлаш вақти келди”, – деди Президент.
Эслатиб ўтамиз, аввалроқ давлат раҳбари энергетика соҳасини танқид қилиб, унинг учун етарлича қарз олинганига қарамай ишлар яхши бўлмаётганини ва соҳадаги коррупция ҳақида гапирган эди.
