Ўзбекистон ташқи ишлар вазири Абдулазиз Комилов хорижда даволанмоқда. Бу ҳақда вазирлик хабар қилди.
Маълум бўлишича, у 10 кун давомида 1-сон Марказий клиник шифохонасида даволанган. Сўнгра унинг саломатлигини янада чуқурроқ текшириш ҳамда ихтисослашган тиббий кўрикдан ўтиш ва тегишли муолажаларни олиш учун хорижда даволанишга кетган. Айни вақтда даволаниш давом эттирилмоқда.
Эслатиб ўтамиз, Комилов 12 кун аввал Сенат йиғилишида Ўзбекистоннинг ДХР ва ЛХР бўйича позициясини эълон қилган эди.
