Корея Республикаси Президенти Мун Чжэ Ин 2019 йил 18-21 апрель кунлари давлат ташрифи билан Ўзбекистонда бўлади. У юртимизга Шавкат Мирзиёевнинг таклифига биноан келмоқда.
Ташриф дастурида Президент Мун Чжэ Иннинг Ўзбекистон Республикаси Олий Мажлисида нутқ сўзлаши, давлат раҳбарларининг икки мамлакат етакчи компаниялари бизнес-форумида ҳамда Тошкент шаҳрида Корея маданияти ва санъати уйининг очилиш маросимида иштирок этиши кўзда тутилган. Шунингдек, Самарқанд шаҳрига ташриф режалаштирилган.