Хонанда Муниса Ризаева Жаҳонгир Латиповнинг YouTube’даги лойиҳаси учун интервю бергани ҳақида аввал хабар берган эдик. Суҳбат чоғида Ризаева битта тўй учун қанча олишини айтди.
Хонанда Тошкентда битта тўй учун 1000 доллар олишини айтди. Ўртача ҳисобда санъаткорда аввал кунига 8 тадан 13 тагача тўй тўғри келган. Яқинда Ризаева соғлиғи билан боғлиқ муаммолар туфайли администраторга бештадан ортиқ тўй олмаслик бўйича кўрсатма бергани маълум бўлди.
Ҳудудларда хонанда 5-10 минг долларга тўйга чиқади. Ризаеванинг тушунтиришича, ҳудудларда гонорар нархи йўлнинг узоқлиги ва жамоага тўланиши учун ошиб кетади. Санъаткорнинг сўзларига кўра, у билан бирга 20 га яқин киши боради ва у барча қўшиқларни фонограммасиз, жонли ижро этади. Эслатиб ўтамиз, аввалроқ Ризаева қарийб ярим миллион долларлик автопаркини кўрсатган эди.
