Экология вазирлигининг Сурхондарё вилоятидаги “Юқори Тўпаланг” миллий табиат боғи ҳудудида ўтказилган тунги рейд чоғида қўриқхона ходимлари Тян-Шан қўнғир айиғи болаларининг дарахтга чиқиб кетаётганини тасвирга олишди.
Тян-Шан қўнғир айиғи сутемизувчилар синфига мансуб йирик йиртқич ҳисобланади. Помир, Тян-Шан ва Ҳимолой тоғларида яшайди. Айиқ Ўзбекистон Қизил китобига заиф, кенг тарқалган, аммо мозаик тарзда (кам) тарқалган кичик тур сифатида киритилган.