Жорий йил 11 июнь санасида Ўзбекистонда онлайн-аукцион орқали дастлабки телефон рақами сотилди. Бу ҳақда EVERYDAY.UZ мухбири хабар қилди.
Аукцион Ўзбекистон Республика товар-хом ашё биржасида ташкил этилди. Унга кўра фуқаро Ucell компаниясининг (+998 93) 577-88-88 рақамини 5 360 000 сўмга сотиб олди.
Эслатиб ўтамиз, ушбу рақам аукционга 4 июнда қўйилган ва унинг дастлабки нархи 4 млн сўмни ташкил қилган.
Энди савдо ғолиби 5 кун мобайнида тузилган битим бўйича молиявий мажбуриятларни тўлиқ қоплаши ва кейинги 10 кун давомида рақамни «COSCOM» МЧЖ (Uсellтм) офисида расмийлаштириши керак.
