Атиги 5 та ОТМга ўз ҳудудингиздан туриб ҳужжат топширсангиз бўлади. Қолганига ҳужжатни кўтариб ўзингиз борасиз (рўйхат)

Адлия вазирлиги қайси ОТМларга ДХМлар орқали ҳужжат топшириш мумкинлигини ойдинлади. Рўйхатдан атиги 5 та ОТМ жой олди. Улар қуйидагилар:

1. Тошкент давлат юридик университети;

2. Қорақалпоқ давлат университети;

3. Гулистон давлат университети;

4. Фарғона давлат университети;

5. Самарқанд давлат университети.

Шунингдек, аҳолига қулайлик яратиш мақсадида бугун ДХМлар орқали ҳужжат топшириш учун фақатгина 2 та ҳужжат сўралади:

- фуқаролик паспорти (паспорт ёшига етмаганлар учун туғилганлик тўғрисидаги гувоҳнома);

- умумий ўрта таълим (11-синф негизида) ёки ўрта махсус, касб-ҳунар таълими муассасасини тугатганлиги ҳақидаги ҳужжат (иловаси билан).