Ўзбекистон Республикаси Президентининг "Иш ҳақи, пенсиялар, стипендиялар ва нафақалар миқдорини ошириш тўғрисида"ги фармони имзоланди. Унга кўра энг кам иш ҳақи ойига 202 730 сўм этиб белгиланди.
Бундан олдин Давлат қабул комиссиясининг 2018 йил 4 июлдаги 2-сон баёнининг 12-иловаси билан 2018/2019 ўқув йилидан бошлаб ОТМларда битта талабани тўлов-контракт шаклида бир йиллик ўқитиш миқдорлари тасдиқланган эди. Ва илк маротаба тўлов-контрактлар энг кам иш ҳақи миқдорига боғлаб қўйилганди. Агар республикада энг кам ойлик иш ҳақи миқдорлари оширилганда мос равишда тўлов-контракт қиймати миқдорлари навбатдаги семестр бошидан ошириб борилади, дея хабар қилмоқда Xushnudbek.uz.
Шунга кўра, 2-семестрдан контракт миқдорлари қуйидагича бўлади (агар яна ойлик ошиб қолмаса):
БАКАЛАВР
1-тоифа: 45 баробар – 9 млн 122 минг 850 сўм
2-тоифа: 46 баробар – 9 млн 325 минг 580 сўм
3-тоифа: 50 баробар - 10 млн 136 минг 500 сўм
4-тоифа: 55 баробар - 11 млн 150 минг 150 сўм
5-тоифа: 60 баробар - 12 млн 163 минг 800 сўм
МАГИСТРАТУРА
1-тоифа: 49 баробар – 9 млн 933 минг 770 сўм
2-тоифа: 51 баробар – 10 млн 339 минг 230 сўм
3-тоифа: 55 баробар – 11 млн 150 минг 150 сўм
4-тоифа: 61 баробар – 12 млн 366 минг 530 сўм
5-тоифа: 66 баробар – 13 млн 380 минг 180 сўм
