Унда Отабеков дунёда касаллик қайд этилиши бир кунда 300 мингга тушганда хотиржамликка берилиш бошланганини айтди. Шунингдек, штаб аъзоси ниқоб тақмаслик, ижтимоий масофа сақламаслик, антисептик воситалардан фойдаланмаслик ҳолатлари ҳам кўпайиб кетгани учун касалланиш кўрсаткичи ошиб кетганини таъкидлади.
Шу билан бирга, хорижга чиқиб дам олиб келувчилар сонининг ҳам ортгани бунга сабаб бўлгани айтилди.
Эпидемик нохуш ҳудудлардан келган шахслар билан мулоқотда бўлиш натижасида COVID-19 инфекцияси ва унинг «Британча» штаммлари ҳам республикамиз ҳудудига кириб келди, – деди Нурмат Отабеков.
