Туризмни ривожлантириш давлат қўмитаси пляж ва аҳолининг сувда оммавий дам олишини ривожлантириш бўйича ВМ ҳужжатини муҳокама қилди. Бу ҳақда EVERYDAY.UZ мухбири хабар қилди.
Қўмитанинг маълумотига кўра, ҳужжатда 2021 йилдан 2025 йилгача туризмни ривожлантиришнинг комплекс дастури тақдим этилган. Айдар, Арнасой ва Тўдакўл ҳудудларида туризмни ривожлантириш режалаштирилмоқда.
Тадбиркорларга қурилиш инфраструктураси учун ерлар ажратилади. Комплекс ҳудудида пляжлар ва сув спорти учун объектлар қурилади. Қўмита сув туризми бугунги кунда энг машҳур йўналишлардан бири эканини таъкидлади.
