Тошкентда Олий Мажлис юқори палатасининг 14-йиғилиши бўлиб ўтди. Бу ҳақда EVERYDAY.UZ мухбири хабар қилди.
Йиғилиш давомида Сенатнинг коррупцияга қарши курашиш қўмитаси раиси Наримон Умаров вояга етмаганлар орасида кузатилган суицидлар ҳақида маълумот берди. Умаров шунингдек, республикада қонун устуворлигини таъминлаш ҳали ҳам долзарб мавзу эканини таъкидлади.
Қўмита раҳбари 2020 йил якунига кўра 526 нафар вояга етмаганлар ўз жонига қасд қилгани ёки шунга уринганини таъкидлаб ўтди. Шунингдек, вояга етмаганлар орасида кузатилган жиноятлар ҳақида гапирилди. Қўмита раҳбарининг сўзларига кўра, ўтган давр мобайнида улар томонидан 1134 та жиноят содир этилган.
