Ўзбекистонда хотин-қизлар жинсий ва жисмоний зўравонликдан энг кўп азият чекадиган ҳудудлар маълум қилинди. Бу бўйича маълумот Олий Мажлиснинг Инсон ҳуқуқлари бўйича вакили (омбудсман) томонидан тақдим этилди.
Маълум бўлишича, ўтган йили мамлакатимизда номусга тегиш ҳолатлари 27,7 фоизга ошган. Шунингдек, ташкилотнинг қўшимча қилишича, 2021 йилнинг 15 апрелигача хотин-қизлар томонидан 20 га яқин жинсий ва жисмоний зўравонлик, руҳий тазйиқ ўтказиш билан боғлиқ мурожаатлар келиб тушган. Ушбу мурожаатларнинг аксарияти Сурхондарё ва Қашқадарё вилоятларига тўғри келиши маълум қилинди.
Ташкилот реал рақамлар аслида бунданда кўпроқ бўлиши мумкинлигини, ўзбек аёли қанчалик қийналса ҳам, уни ижтимоий тармоқлар у ёқда турсин, ҳатто маҳалла-кўй, таниш-билишларига ҳам ошкор этишни истамаслигини таъкидлаб ўтди.
