Депутатнинг ёзишича, “Прокурор ва ёшлар” учрашуви жонли, амалий таклиф ҳамда қизғин савол-жавобларга бой тарзда бўлиб ўтган.
Учрашувда бугун мамлакатимизда ёшларга оид давлат сиёсати қандай амалга ошириляпти, қандай муаммолар бор, уларни қандай ҳал қилишимиз керак деган саволлар атрофида самимий фикр алмашилди. Ёшларнинг мулоҳазалари таклифлари тингланди.
Иш сўраб мурожаат қилган ёшлар шу ернинг ўзида тадбиркорларга бириктирилди. Ўз бизнесини бошламоқчи бўлган лекин кредит олишда муаммога дуч келаётган ёшларнинг масаласи жойида ижобий ҳал этилди. Умуман олганда учрашувда ёшларнинг бўш вақтини унумли ташкил этиш, уюшмаган ёшлар билан ишлаш, уларга муносиб иш ўрни яратиш, уларнинг маънавий иммунитетини ошириш бўйича туман сектор раҳбарларига аниқ тавсиялар берилди.
Самимият руҳида ўтган учрашувда шунингдек, тадбиркорликка қизиқадиган ёшлар учун бизнес семинарларга бепул қатнашиш имконини берувчи сертификатлар тақдим этилди.
