Тошкент вилояти Зангиота туманидаги МТМ раҳбари бюджет маблағларини талон-тарож қилди. Бу ҳақда вилоят прокуратураси хабар қилди.
Маълум бўлишича, 2021 йил ўтган даврида 16-сонли МТТ мудираси боғчада ишламайдиган 37 нафар ходим учун пластик карта очтириб, унга 983,5 млн. сўм ўтказиб, талон-тарож қилган.
Шунингдек, прокуратуранинг қўшимча қилишича, йил бошидан бери вилоятда таълим муассасалари раҳбарларининг бюджет маблағларини талон-торож қилиши ҳолатлари юзасидан 11 та жиноят иши қўзғатилган. Шу билан бирга, Оққўрғон туманидаги 2,6,10,12-сонли МТТлардаги мансабдорлар озиқ-овқат маҳсулотларини ҳам талон-тарож қилган.
