Тошкент метросининг Хамид Олимжон бекатида йўловчилар поезддан тушириб юборилди. Бу ҳақда "Тошкент метрополитени" УК хабар қилди.
Маълум бўлишича, бугун, 24 май куни соат 08:52да машинист поездда техник носозликни пайқаб қолгандан сўнг барча йўловчилар бекатда туширлган. Сўнгра поезд Пахтакор бекатидаги берк йўлга, заҳирага жўнатилган. Ушбу поезддан кейин ҳаракатланган поезд йўловчиларни олиб кетган ва ҳаракат давом эттирилган.
Корхона келтирилган ноқулайликлар учун узр сўраган.
