Сурхондарё вилояти Музработ туманида номаълум ҳайвон 10дан ортиқ чорва молларини бўғизлаб кетди.
Шундан сўнг маҳаллий аҳоли ушбу ҳайвонни таъқиб қилиб, ўлдирган. Мазкур ҳодисадан кейин Экология ва атроф-муҳитни муҳофаза қилиш бошқармаси ҳамда ИИБ ходимлари воқеа жойига бориб вазиятни ўрганган. Ҳудуд кўздан кечирилганда даланинг четида икки бош номаълум ҳайвоннинг болалари топилган.
Айни вақтда ушбу ҳайвон боласини сақлаб қолиш ва унинг турини аниқлаш мақсадида улар Термиз ҳайвонот боғига топширилган.
