Аввалроқ Наманган вилоятининг Янгиқўрғон туманида тадбиркор норозилик билдириб, қўйларни туман ҳокимлиги биноси олдига ҳайдаб келгани ҳақида хабар қилган эдик. Маълум бўлишича, ўша фуқаро суд қилинган ва жазоланган.
Таъкидланишича, иш жиноят ишлари бўйича Янгиқўрғон туман судида очиқ тарзда кўрилган. Унга кўра, тадбиркорга МЖтКнинг қатор моддалари билан жарима қўлланилган.
Хусусан, тадбиркор МЖтКнинг 54-моддаси 1-қисми (БҲМнинг 5 баравари миқдорида жарима), 104-моддаси 1-қисми ва 161-моддаси (БҲМнинг 3 баравари миқдорида жарима), 183-моддаси (10 сутка маъмурий қамоқ жазоси) ва 194-моддасининг 1-қисмида (БҲМнинг 1 баравпри миқдорида жарима) назарда тутилган ҳуқуқбузарликларни содир этганликда айбдор деб топилган.
