Сирдарё вилоятида “Агробанк”да малака ошираётган ходим фуқарога кредит ажратиб бериш учун пора олаётганда ушланди, дея хабар қилди EVERYDAY.UZ мухбири.
Маълум бўлишича, Сардобада яшовчи фуқаро “Агробанк”нинг туман филиалига “”Ҳар бир оила – тадбиркор” дастури доирасида 240 млн сўм кредит олиш учун мурожаат қилган. У мазкур маблағ эвазига автомобилларга техник хизмат кўрсатиш марказини очмоқчи бўлган. Лекин банк ходимлари турли баҳоналар билан кредитни ажратмай юрган.
Ҳолатдан сўнг ДХХ ва Бош прокуратура департаменти томонидан махсус тадбир ўтказилган. Агробанкнинг Сардоба туман филиалида стажер бўлиб ишловчи шахс кредит ажратиб бериш учун фуқародан 24 млн сўм сўраган ва у сўралган пулнинг 2 минг долларини олаётганда ушланган.
