Тармоқларда бир гуруҳ аёллар йўлни тўсиб қўйгани акс этган видео тарқалди. Маълум бўлишича, ушбу ҳолат Андижон вилоятида содир бўлган.
Хабар қилинишича, воқеа бугун, 31 июль куни вилоят ҳокимлиги олдида содир бўлган. Видео изоҳида аёллар вилоят ҳокимининг қабулига кира олмагани учун шундай йўл тутгани маълум қилинган. Ҳокимликнинг ушбу ҳолатга изоҳ беришича, ҳоким шу вақтга қадар ҳар ойнинг оҳирги шанбасида фуқароларни қабул қилган. Лекин яқинда Президент раислигида бўлиб ўтган йиғилишда ҳокимларнинг фуқароларни қабул қилишдаги камчиликлари айтилгач ҳокимнинг аҳолини қабул қилишдаги графиги ўзгарган бўлган. Ушбу ўзгаришдан хабари йўқ фуқаролар эса бизни ҳоким қабул қилмади дея йўлни тўсган. Ҳокимлик ушбу аёлларга тушинтириш берилганини маълум қилди.
Таъкидланишича, вилоят ҳокимининг биринчи ўринбосари ҳамда вилоят ҳокимининг маҳалла ва оилани қўллаб қувватлаш бўйича ўринбосари томонидан фуқаролар қабули давом этмоқда.
