“Кўп гапирмасдан қўйвор” – Тошкент вилоятида ЙПХ ходимига тўхтатган қора Малибуни қўйиб юбориш буйруғи берилди

Тошкент телеканали ижодкорлари йўл қоидалари билан боғлиқ дастурни суратга олаётганда бир воқеанинг гувоҳи бўлиб қолишди ва ушбу ҳолат видеотасмаларга ёзиб олинди.

Гап шундаки, ЙПХ ходими йўл ҳаракати қоидасини бузган Малибу автомобилини тўхтатганда унга рациядан хабар келди. Ходим жарима ёзаётганда рациядан гапирган шахс буни қилмасликни буйирди.

— Телефон қилишди? Қанақа машина ушлаб турибсан?

— Malibu’ни ушлаб турибман.

— Қўйвор бўлди, кўп гапирмасдан. Яхши етволинг, деб тушунтирвор.

— Тушундим сизни, – дейилади мулоқотда.

Тармоқларда тарқалган хабарларда автомобилнинг давлат рақами 01 584 ААА экани айтилмоқда.