Пойтахтдаги Тошкент-3 аэропорти 19 августдан вақтинча ёпилади. Бу ҳақда Uzbekistan Airways хабар қилди.
Маълум бўлишича, маҳаллий авиақатновлар амалга ошириладиган ушбу аэропорт номаълум муддатга ёпилмоқда. Барча маҳаллий рейслар Ислом Каримов номидаги халқаро аэропорт орқали амалга оширилади.
Аэропорт ёпилишининг аниқ сабаби маълум қилинмаган. Таъкидлаш жоиз, шу кунларда Тошкент аэропорти Афғонистондан эвакуацион рейсларни қабул қилмоқда. Ўзбекистон пойтахтидан хорижий фуқаролар ўз мамлакатларига жўнатилади.
