Қозоғистонлик блогер Алишер Еликбаев Facebook’даги саҳифасида Ўзбекистон милицияси ҳақида пост қолдирибди, дея хабар қилади Davletov.uz.
"Олмаота ва Остонада полиция пойтахтнинг номи ўзгартирилишига қарши, норози бўлганларни аёвсиз қўлга олаётган бир пайтда, бухоролик полиция ходими Рустам бизга Минораи Калон тарихи, қурилиши ҳақида сўзлаб берди, машҳур Бухоро ошини қаерда ейиш, кечқурун қаерларга бориш мумкинлигини айтди. Аслида бизни турмуш ўртоғимиз билан суратга тушириб қўйишни таклиф қилгандан сўнг у билан танишиб қолдик. Ҳа, ҳа, мен сизларга янги Ўзбекистон ҳақида гапириб бераяпман...
Малик Каримовнинг ёзишича, Алишер Еликбаев пиар бўйича эксперт, Қозоғистоннинг энг таниқли блогерларидан ва жамоатчилик фикрига таъсир кўрсатадиган вакилларидан бири бўлиб, шу кунларда Наврўз баҳона Ўзбекистонда саёҳат қилмоқда. Ҳозирда Бухорода бўлиб, Ўзбекистон ички ишлар органлари ходимларининг янги қиёфаси ҳақида шундай пост қолдирибди.
Ўзбекистон туризми учун энг яхши пиар, деб қўшимча қилган манба.
