Бекободда ўқитувчиларнинг ойлигидан обунага мажбурий пул ушлаб қолинмоқда

2-11-2018, 09:50
Жамият
Бекободда ўқитувчиларнинг ойлигидан обунага мажбурий пул ушлаб қолинмоқда
Халқ таълими вазири Шерзод Шерматов мактабларда мажбурий обуна, турли хил тадбирларга мажбурий чипталар сотиш, маошидан яна бошқа турли мажбурий ушланмалар олиб қолиниши натижасида ўқитувчиларнинг шусиз ҳам кам бўлган ойлик маошлари уларнинг қўлигача ундан-да камайиб етиб бораётганини танқид қилган ҳамда Бош вазир ўринбосари Азиз Абдуҳакимов ОАВга берган интервьюсида ўқитувчиларнинг маошидан турли мақсадларда (газета ва журналларга мажбурий обуна, аванс, коммунал тўловлар, турли тадбирлар чипталарига ва б.) мажбурий равишда пул олиб қолиш ҳам тақиқланишини маълум қилган бир вақтда Бекободда шу ишларнинг акси бўлмоқда.

Тошкент вилоятининг Бекобод туманида халқ таълими ходимлари 2019 йил учун ўндан ошиқ газета-журналга обуна бўлишга мажбурланмоқда. Бу ҳақда Turon24 хабар берди.

Бекобод тумани халқ таълими бўлимига қарашли умумтаълим мактаблари учун обуна бўйича тақсимот жадвали ишлаб чиқилган. Тақсимотда турли ҳал нашрларга қайси мактаб нечтадан обуна бўлиши аниқ белгилаб қўйилган.

Хусусан манба суҳбатлашган Бекободдаги мактаблардан бирида ишловчи ўқитувчи, “обуна пули ўқитувчиларнинг ойлигидан босиб қолинади, бунинг учун розилигимиз сўраб ҳам ўтирилмайди. Ўтган йили ҳар ойда ойлигимизнинг 10-15 фоизини обуна учун олиб қолишган. Бу йил ҳам шундай бўлса керак. Ҳозирча кимга неча сўмдан тушиши тақсимланганича йўқ”, дея таъкидлаб ўтган.

Тақсимотга 57 та мактаб киритилган бўлиб, уларда 2069 нафар ходим ишлаши кўрсатиб ўтилган. Ушбу мактабларда ишловчи ходимлар 2019 йил учун жами 3417 нусхадаги газета-журналга обуна бўлишга мажбур.

Тақсимот Бекобод тумани халқ таълими бўлимининг 2018 йил 30 октябрдаги 01-650/18-сонли хатига илова қилинган. Тумандаги умумтаълим мактаблари директорлари номига юборилган хатда обунани тақсимот жадвали асосида ташкил этиш сўралган. Хатга туман халқ таълими бўлими мудири Ҳасан Соибназаров имзо чеккан.

“Мажбурий обунага ҳеч бир мактаб директори ёки ўқитувчи қаршилик кўрсатолмайди, – дейди Turon24 билан суҳбатлашган, аммо хавфсизлиги учун исмини очиқ айтмаган манба. – Бу борада ҳеч қаерга мурожаат қилиб ҳам бўлмайди. Топшириқ халқ таълими бўлимидан келгач, ким ҳам қаршилик қила оларди?! Кўпчилик ўқитувчиларни қўрқоқ, ўз ҳақ-ҳуқуқи учун курашишни билмайди, деб ўйлайди. Битта шу мактабдан бериладиган ойликка қараб қолгандан кейин қандай ҳам қарши чиқсин?! ХТБ мудирига қарши чиқиб ишдан бўшатилса, тумандаги ҳеч бир мактабга ишга киролмайди”.
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

«Германия ва Россиядан энг зўр мутахассисларни олиб келамиз» – Президент

Прездентимиз Шавкат Мирзиёев бугун бўлиб ўтган видеоселектор йиғилишида етакчи давлатлардан мутахассислар олиб...
Кеча, 23:03

«Шифокорни чақирса бўлмайдими?» – Президент 5-6 кун юқори ҳароратда Чирчиқда уйида ётган фуқаро ҳақида гапирди

Бугун, 3 апрель Президентимиз Шавкат Мирзиёев иштирокида видеоселектор йиғилиши ўтказилди. Унда коронавирус пандемияси...
Кеча, 22:32

Энди Ўзбекистонда махсус сайт орқали коронавирусга чалинганлар аввал қаерларга борганини билиш мумкин бўлди

Соғлиқни сақлаш вазирлиги томонидан юртимизда коронавирусга чалинганлар қайси ҳудуддан экани ва касалликни юқтириб...
Кеча, 19:35
/ Муҳокамалар +2

Қўқонда икки депутатнинг бирига жиноий иш қўзғатилди

Аввалроқ сайтимиз орқали Қўқонда депутат 15 суткага қамалгани ҳақида ёзган эдик . Маълум бўлишича, Қўқонда яна бир...
Кеча, 19:23

«Апрелда 50-60 минг тонна картошка қазиб олинади. Ваҳимага мутлақо ўрин йўқ!» – Актам Хаитов

Бугун Халқаро пресс клубнинг навбатдаги сони бўлиб ўтди. Унда Олий Мажлис Қонунчилик палатаси спикери ўринбосари,...
Кеча, 17:17
/ Муҳокамалар +4