Аввалроқ Самарқанд вилоятида 13 ёшли қиз ҳомиладор бўлиб қолгани ҳақида ёзган эдик.
Маълум бўлишича, қиз 5 йилдан бери онаси билан яшаб келаётган эркакдан ҳомиладор бўлиб қолган. Бу ҳақда қизнинг ўзи айтган. Унинг қўшимча қилишича, эркак қизни 11 ёшидан буён мунтазам зўрлаб келади. Қизнинг ҳомиладорлигини 12 ноябрь куни холаси билиб қолган ва дарҳол ҳуқуқ тартибот органларига мурожаат қилган.
Қиз ўқийдиган мактаб директорининг айтишича, унинг оиласида носоғлом муҳит ҳукмронлик қилади, онаси доим маст ҳолда юради. Қизнинг ҳомиладорлигини ҳатто синфдошлари ҳам пайқамагани айтилмоқда. Ҳолат бўйича ЖКнинг 128-моддаси (Ўн олти ёшга тўлмаган шахс билан жинсий алоқа қилиш) 1-қисми билан жиноят иши қўзғатилган. Дастлабки тергов ҳаракатлари олиб борилмоқда.
