Тошкент шаҳар прокурори Улуғбек Қосимов ва пойтахт ИИББ раҳбари Азиз Тошпўлатов Бектемир туманига ташриф буюрди. Бу ҳақда EVERYDAY.UZ мухбири хабар қилди.
Маълум бўлишича, улар туманда жойлашган «Тошкент қишлоқ хўжалиги маҳсулотлари бозори» АЖ, «Қўйлиқ деҳқон бозори» АЖ ҳамда «Компасс» савдо мажмуасига борган. Мазкур ҳудудлар бежизга танланмаган. Сабаби, масъулларнинг таъкидлашича шу ҳудудлар пойтахтда «жиноятчилик ўчоғи»га айланган. Шуни инобатга олиб, туман масъуллари билан ўша ернинг ўзида ҳолат танқидий муҳокама қилинган.
Ушбу жараёнда туманда ҳуқуқбузарликнинг олдини олиш ва профилактика ишларини кучайтириш зарурлиги таъкидланди.
Эслатиб ўтамиз, аввалроқ давлат раҳбари Тошкентда “солиқ” йиғувчилар кўпайиб кетганини айтиб, ҳуқуқ тартибот органлари фаолиятини кескин танқид қилган эди.
