Пойтахтда фуқародан мунтазам пул ундириб келган шахс ушланди. Бу ҳақда EVERYDAY.UZ мухбири хабар қилди.
Маълум бўлишича, 21 ёшли йигит 27 ёшли фуқаронинг шаънига путур етказувчи материалларни инстаграмга жойламаслик учун 5 млн сўм талаб қилган. Сўнг йигит фуқародан 100 доллар ва 500 минг сўмни олаётганда ушланган.
Ҳолат бўйича жиноий иш қўзғатилган. Аниқланишича, йигит аввал ҳам фуқаронинг материалларини ижтимоий тармоқларда тарқатиб юбориш билан қўрқитиб 4 млн сўм олган ва ўзининг бошқа харажатлари учун пул ундириб келган. Тергов олиб борилмоқда.