Шу кунларда пойтахтда бўлиб ўтаётган Аёллар форумида тармоқларда кескин муҳокамага сабаб бўлган «Замдекан машмашаси» жабрланувчиси сўзга чиқди. Қиз ушбу иш юзасидан баъзи тафсилотларни гапирди.
Унинг сўзларига кўра, декан ўринбосари лавозимида ишлаган эркак ҳақиқатдан номусига тегмоқчи бўлган ва уни деразадан отиб юборган. Ўша ҳодисадан сўнг унга бир неча шахслар мурожаат қилган ва таҳдид қилиб, ишни босди-босди қилиб юборишни таклиф қилган. Қиз шунингдек, уни “шантаж”да айблаётганлар ҳам борлигини айтган.
Муштарийбону Камилованинг қўшимча қилишича, тармоқларда унга нисбатан кампания бошланган. Шундай бўлсада қиз ортга қайтмаслигини, ички ишларга берган аризасини қайтариб олмаслигини ва оҳиригача бориб адолат қарор топишини исташини, “замдекан” жазо олишини хоҳлашини таъкидлаган.
