Навоийда Халқ таълими бошқармасида ҳайдовчи бўлиб ишловчи шахс пора билан қўлга тушди. Бу ҳақда EVERYDAY.UZ мухбири хабар қилди.
Маълум бўлишича, ҳайдовчи танишининг танишини Навоийдаги мактабга ўқитувчи қилиб ишга олиб кириб қўйишга ваъда берган ва бунинг учун 600 доллар сўраган. У ушбу ишни Халқ таълими бошқармасидаги таниши орқали ҳал қилмоқчи бўлган. Ҳайдовчи айтилган пулни 29 январь куни олаётганда ушланган. Шундан сўнг тадбир давом эттирилиб, Халқ таълим бўлими кадрлар бўйича инспектор-методисти ҳам шу 600 долларни олаётганда қўлга олинган.
Ҳолат юзасидан икки ходимга жиноят иши қўзғатилган.