Сирдарё вилоятида АТ «Халқ банки» Сардоба филиалининг бир гуруҳ собиқ ходимлари кредит пулларини талон-тарож қилди. Бу ҳақда EVERYDAY.UZ мухбири хабар қилди.
Маълум бўлишича, улар тил бириктириб, 54 кишининг номига уларнинг хабардорлигисиз 1,2 млрд сўм кредит олган ва ўзлаштирган. Шунингдек, банкнинг 7 нафар мижози томонидан тўланган кредит пулларини кассага қирим қилмасдан, 18 млн сўмни ҳам шахсий эҳтиёжлари учун ишлатиб юборган.
Ушбу ҳодиса юзасидан жиноий иш қўзғатилган. Тергов олиб борилмоқда.