Ўзбекистон фуқаролари учун мажбурий бўлган никоҳни қайд этишнинг бир ойлик муддати бекор қилиниши мумкин.
Айни пайтда никоҳ янги турмуш қурганлар ариза берганидан кейин бир ой ўтгач тузилади. Бу вақт ичида улар мажбурий тиббий кўрикдан ўтишлари керак.
Ушбу меъёр кераксиз ва коррупцияга мойил деб ҳисобланади: ФҲДЁ органларига сохта тиббий маълумотномалар тақдим этилади, ариза бериш ва никоҳни қайд этиш учун зарур бўлган ҳужжатлар сони коррупциянинг кучайишига сабаб бўлади.
Қонун лойиҳасида ойлик муддатни бекор қилиш ва уни қисқартириш асослари кўзда тутилган. Қонун қабул қилинса, ёшлар тиббий кўрикдан ўтиб, дарҳол турмуш қуришлари мумкин бўлади.
Адлия вазирлигининг қайд этишича, ойлик муддатнинг бекор қилиниши ФҲДЁ органларига мурожаат қилишда бюрократия ва коррупцияга қарши курашишда ёрдам беради.